Билансот на загинатите при уривањето на двокатната зграда во бразилскиот град Сао Паоло, пред три дена достигна десет лица, а 26 се ранети, јави ДПА.
Нови две жртви беа извадени од под урнатините вчера, со што бројот на загинатите достигна десет лица.
Повеќето од ранетите се градежни работници.
Двокатната зграда во источниот дел на мегалополисот се урна во вторникот. Во моментот на несреќата во зградата имало најмалку 35 работници.
Според очевидци зградата се урнала наеднаш. Независни експерти изјавуваат дека најверојатна причина за несреќата е дефект на носечките конструкции.