Според извештаите, на еден бејрутски весник, сопругата на сирискиот претседател Башар ал-Асад, Асма (37), мајка на неговите три деца, бремена е по четврти пат.
Асма ал-Асад, која е родена и израсната во Велика Британија, во последно време ретко се појавува во јавноста, па оваа вест не е лесно да се провери, а нејзиното семејство во Велика Британија, исто така, не сакаше да ја коментира.
Претседателот Асад, како што велат изворите, веста ја соопштил на неименувани арапски посетители во Сирија, а тие понатаму ја пренеле на бејрутскиот весник “Ал-Акбар”, кој е наклонет кон сирискиот режим. Веста е посветена на видувањето на граѓанската војна на Асад во неговата земја, која трае веќе две години и претседателот притоа изразил уверување дека неговата војска на крајот ќе победи.
На крајот од статијата се соопштува веста за бременоста на асадовата сопруга, која, списанието “Вог”, поради нејзиниот шарм и елеганција, своевремено ја опишуваше како “Пустинска ружа.”