Претседателот на Европската комисија Жозе Мануел Баросо денеска пристигна во Ханој, каде ќе разговара за склучувањето на спогодбата за слободна трговија меѓу Виетнам и Европската унија и за територијалниот спор со Кина.
Предвидено е Баросо да има разговори со премиерот Нгуен Тан Зунг, по што ќе се сретне и со други лидери, вклучувајќи го претседателот Чонг Тан Шанг и генералниот секретар на Виетнамската комунистичка партија, Нгуен Фу Чонг.
– Посетата ќе им даде нов поттик на преговорите за трговска спогодба, изјави високиот претставник на ЕУ за надворешна политика и безбедност, Кетрин Ештон.
Се очекува Баросо исто така да потпише грант поврзан со трговијата, вреден 2,3 милиони евра.