Претседателот на Европската комисија Жозе Мануел Баросо денеска на симболична церемонија му ја предаде власта на новоизбраниот Жан-Клод Јункер. Формално администрацијата на Баросо е на власт до утре на полноќ.
Баросо двата претседателски мандати во последните 10 години ги оцени како исклучителни, со големи потешкотии, но и важни работи како на политички, така и на личен план.
– Успеавме да најдеме излез од кризата која и се закани на Европа и го стави под прашање опстанокот на еврото и на Европската унија, наведе Баросо.
Тој додаде дека и утре ќе биде на работното место, кога треба да се потпише долгоочекуваниот договор меѓу Русија и Украина за достава на гас.
– ЕК е неизбежен фактор во европската конструкција и ако на немаше требаше да биде измислема. Таа ја има улогата на фудбалски судија, кој никој не го сака, бидејќи покажува жолти и црвени картони, наведе Баросо.
Јункер потенцира дека претседавањето на Баросо се совпадна со „исклучително тежок период, одлучувачки, важен момент за ЕУ“.