Претседателот на Европската комисија, Жозе Мануел Баросо во денешното обраќање за „Состојбата на Унијата“ пред Европскиот парламент во Стразбур, оцени дека употребата на хемиско оружје во Сирија треба да биде „осудена“ и дека е потребен „решителен одговор“, јави дописникот на МИА од Стразбур.
– Користењето и употребата на хемиско оружје е акт кој треба да биде осуден и има потреба од решителен одговор, изјави Баросо.
Тој нагласи дека меѓународната заедница, предводена од ОН, има колективна одговорност за ставање крај на конфликтот во Сирија.
Баросо притоа го поздрави предлогот за уништување на резервите на хемиско оружје во Сирија, што, според него, е „добра рабоа“.
– Сега сирискиот режим треба да покаже дека сака ефикасно да го спроведе ова и без одлгање, додаде Баросо.
– Ние во Европа мислиме дека политичкото решение е единственото кое ќе озвможи да се воспостави траен мир каков што заслужува сирискиот народ, подвлече на крајот претседателот на Европската комисија.
Поладнево Европскиот парламент ќе расправа за ситуацијата во Сирија.