Пет мажи силуваа жена фоторепортерка која подготвувала репортажа за Мумбај, соопшти денеска локалната полиција.
Криминалното дело се случило синоќа во централен дел на Момбај каде 23-годишната жена правела приказна за стари згради во таа област за списание заедно со колега.
– Напаѓачите го претепале нејзиниот колега, го врзале и потоа ја силувале жената во пуст дел од Шакти Милс, изјави полицаец.
Жената е хоспитализирана. Идентификувала двајца од напаѓачите по лични имиња откако слушнала како меѓусебно си ги изговараат имињата.
Се уште нема осомничени ниту приведени. Најновиот случај на силување ја шокираше Индија и посебно Мумбај кој се смета за еден од најбезбедните градови за жени во Индија.
Во декември лани 23-годшина жена беше брутално нападната и силувана од пет мажи во автобус во движење низ Њу Делхи. Таа подоцна им подлегна на повредите. Во тек е судење на извршителите на злосторството заради кое имаше масовни протести.