Генералниот секретар на ОН Бан Ки-мун вчера ја повика меѓународната заедница да пронајде нови начини да помогне на бегалците, луѓе како што е и тој самиот.
Во обраќање пред група бегалци од Авганистан, Сирија и други држави во Даблин, Бан се потести на бегството на неговото семејство од војната во Кореја.
– Едно од моите најрани сеќавања е бегство со семејството на рид во близина на нашето село. Додека се качувавме по дожд, се свртев и го погледнав единствениот свет што го познавав, местото каде си играв, таму каде што одев на училиште, каде што живеев со семејството. Се тоа беше во пламен, изјави Бан.
Генералниот секретар на ОН нагласи дека светот мора да обезбеди побезбедни патишта што ќе ги користат мигрантите.