Генералниот секретар на ОН Бан Ки-мун повика денеска за ненасилство и помирување во Египет.
Неговиот портпарол Мартин Несирски изјави дека Бан е исклучително загрижен за политичката состојба во Египет. Бан Ки-мун изрази подготвеност да помогне со решенија со кои ќе бидат исполнети барањата на египетскиот народ.
Тој смета дека сите жители на таа држава – како властите така и демонстрантите на улиците, треба да прекинат со меѓусебни обвинувања и акции.
– Пред се мора да се избегнат акции и декларации што може да се протолкуваат од дргата страна како провокација и да се вклучат во политичкиот процес со цел помирување за да не се дозволат крвопролевања, нагласи портпаролот.