Генералниот секретар на ОН Бан Ки-мун ги повика денеска владите во светот да ги забрзаат преговорите за подготвување заедничка реакција на глобалното затоплување.
Бан ги опиша климатските промени како „предизвик за постоењето на целото човештво“.
Тој тоа го кажа во обраќањето при отворањето на дебатите на високо ниво на светската конференција за климата во катарската престолнина.
Министрите за животна средина и климатолозите од речиси 200 држави ги разгледуваат на форумот идните намалувања на штетните гасови и помошта за сиромашните држави, засегнати од климатските промени.