Генералниот секретар на Обединетите нации, Бан Ки-мун и специјалниот претставник на Он и на Арапската лига за Сирија Лахдар Брахими по синоќешната средба во Њујорк изјавија дека се вознемирени од насилствата во земјата.
– Двајцата изразија длабоко разочарување од убиствата и разурнавањата од страна на владата и на опозицијата, поддржани од надворешни сили, кои им доставуваат оружје на двете страни, се истакнува во соопштението на ОН.
Бан и Брахими наведоа и дека се разочарани „од недостигот на единствен меѓународен став за Сирија, кој би можел да доведе до промени во Сирија, како што беше договорено во Женева во јуни минатата година и да се стави крај на ужасните страдања на сирискиот народ“.
Над 60.000 луѓе загинаа од почетокот на бунтот против сирискиот претседатал Башар ал Асад.