Полицијата на провинцијата Горна Австрија откри денеска на австопатот А8 42 имигранти од Сирија и други земји од регионот, кои биле скриени во камион – ладилник, пренесува БТА.
Двајцата превозници – ирачки државјани се приведени, се вели во соопштението на полицијата.
Камионот бил со финска регистрација. Камионот им бил сомнителен на полицајците, поради што го провериле на паркинг крај патот, во близина на населеното место Ајстерхајм. Возилото било наменето за превоз на цвеќе, но во него биле затворени 42 бегалци, вклучувајќи и пет жени и осум деца. Сите се во добра здравствена состојба и биле однесени во полицијата во Линц. Нивното државјанство се утврдува, но најверојатно се од Сирија и Ирак.