Австриските власти, соочени со постојан бран имигранти, преземаат дополнителни мерки за сместување на бегалците и по завршувањето на летото, па за таа цел нарачале околу 700 контејнери.
До пред извесно време австриските власти не сакаа да набавуваат контејнери за сместување на бегалците, сметајќи дека овој проблем брзо ќе биде решен, па затоа прибегнуваа кон солуцијата на шаторско сместување, кое не е можно во текот на ладните месеци.
Откако во Виена увиделе дека бранот мигранти ќе биде продолжен и по летото, Министерството за внатрешни работи на Австрија, како и многу други европски земји претходно, нарачало контејнери за нивно сместување.
Австрија кај фирмата „Контаинеџ“ нарача околу 700 контејнери, тврди виенскиот неделник „Профил“.
Од Министерството за неделникот е потврдена нарачката, но не е потврдено каде ќе бидат испорачани бараните контејнери.