Воздушните напади на коалицијата, предводена од Саудиска Арабија, против шиитските бунтовници во Јемен повторно започнаа по завршувањето на прекинот на огнот, изјавија јеменски безбедносни претставници и очевидци.
Петдневниот хуманитарен прекин на огнот заврши синоќа во 23 часот по локално време и коалицијата веднаш извршила напад врз бунтовнички позиции и тенкови во градот Аден.
Кон крајот на март јеменската војска и Саудиска Арабија започнаа воздушна операција заедно со своите сојузници против бунтовниците Хути.