Шефот на Арапската лига Набил Елараби изјави дека мисијата на меѓународниот претставник за Сирија, Лахдар Брахими не донела ниту „трошка надеж“.
Тој во вчерашното обраќање на отворањето на седницата на дводневниот арапски самит за економија во Саудиска Арабија им предложи на лидерите на арапските држави да побараат итен состанок на Советот за безбедност на Обединетите нации.
Елараби побара СБ да донесе резолуција со која би се повикало на прекин на огнот во Сирија и да се формира тело кое ќе го надгледува примирјето.