САД испратија нов извидувачки дрон RQ-4 Global Hawk на лет со знак за повикување FORTE10 над Црното Море.
Дронот полета од воздухопловната база Сигонела во близина на италијанскиот град Катанија. Извесен период беше во романскиот воздушен простор, а сега лета над Црното Море.
Ново американско беспилотно летало влезе во водите на Црното Море откако американскиот дрон MQ-9 Reaper се урна во Црното Море по сударот со руски борбен авион Су-27 оваа недела.
Претходно Си-Ен-Ен објави дека американската војска испратила ново беспилотно летало во регионот на Црното Море за да изврши увид на местото на падот и да ги следи акциите на руската војска, која почнала да ги бара остатоците од дронот.