Лидерот на Ал Каеда, Ајман ал Завахри со аудио порака, ги повика муслиманите да почнат света војна против САД и Израел поради филмот „Невиноста на муслиманите“ во кој се навредува исламскиот пророк Мухамед.
Овој филм предизвика серија демонстрации, палења, а во протестите загинаа повеќе десетици луѓе.
Завахри ги нарече „чесни и работливи“ демонстрантите кои влегоа во американскиот конзулат во Каиро и извршија напад врз американскиот конзулат во Бенгази, како дел од протестите против филмот.
Во нападот врз американскиот конзулат во Бенгази на 11 септември беше убиен американскиот амбасадор и тројца службеници.