„Подготвен сум да се жртвувам, рече тој, и да бидам првиот Иранец во вселената.“ изјави иранскиот претседател Махмуд Ахмадинеџад.
Пред една недела Иран лансираше ракета во чија што капсула беше сместен мајмун, кој потоа безбедно се врати на земјата.
Претходно Иран лансираше ракета со глушец, желка и црви.
Вториот претседателски мандат на Ахмадинеџад истекува во јуни годинава и тој нема право повторно да се кандидира.
Иранските научници велат дека се потребни уште најмалку четири години за првиот ирански лет во вселената со екипаж.