Австралискиот министер за надворешни работи Боб Кар денеска соопшти дека дипломатот Демиан Милер е именуван за нов амбасадор на земјата во Данска и нерезидентен амбасадор во Норвешка и Исланд, пренесоа руските медиуми.
Назначувањето е интересно, пред се, заради фактот дека Милер е првиот Абориџин во историјата на државата континент кој застанува на чело на австралиска амбасада.
Милер е дипломат од кариера, кој работел во австралиските дипломатски претставништва во Германија и Малезија.
Тој својата амбасадорска функција ќе ја почне во мај.