Премиерот на Ирак Хајдар ел Абади изјави денеска дека неговата држава е во војна со терористи кои се закана за целиот регион и кои настојуваат да ги поделат муслиманите. Изјавата ја даде за време на средбата со Хасан Рохани, претседател на Иран. Абади престојува во еднодневна посета на Иран каде разговараше и со потпретседателот на Иран Есак Џахангири.
– Ирак не се бори само против тероризам. Тоа е голема војна со сите такви групи, изјави Абади.
Пред посетата тој рече дека е исклучена можноста за странска воена интервенција против Исламска држава.
– Нам не ни требаат странски војници. Не постои држава во светот што е подготвена овде да се бори и да ви ја врати државата дури и ако и побарате, нагласи Абади.