Индискиот министер за одбрана А.К. Антони денеска изјави дека има загинати во несреќата што се случи во пристаништето во Мумбај, кога утрово по експлозијата се запали и потона подморница со 18 морнари.
– Тажен сум поради морнарите кои гуи изгубија животите служејќи им на својата земја, изјави Антони, не наведувајќи колку луѓе загинале.
Индиските медиуми јавија дека подморницата е од типот „Синдхуракшак“ и е произведена пред 16 години во Русија. Подморницата неодамна била во руската фабрика „Звјоздочка“ каде и биле извршени ремонт и била надградена.
Од „Звјоздочка“ соопштија дека подморницата била целосно исправна кога во јануари била вратена во Индија.