Портпаролот на министерството за здравство на палестинската власт, Ашаф ал-Кудра соопшти дека тинејџерот Мухамед Сами ал-Дахдух (19) е дванаесетата жртва од судирите помеѓу палестинските демонстранти и израелските сили.
Тинејџерот беше повреден на протестите на 15 декември, но денеска им подлегнал на повредите.
Вкупно 12 Палестинци беа убиени од 6 декември, 10 од нив на демонстрациите, а двајца при воздушниот напад врз Газа.
Меѓу убиените Палестинци е и Ибрахим Абу Тураја, ветеран од палестинскиот отпор кој ги загуби двете нозе во израелски напад.
Официјален претставник на ОН побара истрага за убиството на Тураја, а израелската армија соопшти дека е „невозможно да се утврди што ја предизвикало смртта” на ветеран од палестинскиот отпор.