Дваесет и четири држави се договорија да формираат најголем морски резерват во Антарктичкиот Океан со плоштина од 1,6 милиони квадратни километри, јави Би-Би-Си.
На средбата во Хоубарт, во Австралија Комисијата за заштита на живите морски ресурси на Антарктикот соопшти дека резерватот Море Рос ќе биде заштитен од рибиолов во период од 35 години.
Море Рос е еден од најважните резервати во светот од еколошка гледна точка. Резерватот ќе покрие над 12 отсто од Јужниот Океан, кој е дом на повеќе од десет илјади видови, вклучувајќи и пингвини, китови, морски птици и огромните сипи.
Русија се согласи со предлогот, откако претходно пет пати ги блокираше обидите за создавање заштитена зона.