(ВИДЕО) Русковска: Тие што ми вршеа притисок се истите што ми нудеа повисока позиција за да прекинам истрага

Од:

Истите личности кои ми нудеа да бидам заменик државен обвинител за да се прекине истрага за предмет се оние кои се обидуваа да ми вршат притисок додека го водев Обвинителството за гонење на организиран криминал и корупција, вели во интервју за А1он обвинителката Вилма Русковска. Кој бил тоа, не открива, но вели, кажала на оценската мисија од ЕУ која го „тресе“ Судскиот совет, а чии членови се заинтересирале и за причините зошто таа е оддалечена од обвинителската функција.

Според неа, предметите кои пресудиле да биде суспендирана, а потоа и пред разрешување се оние кои ги отвори против функционери од актуелната власт. Очекувања на поранешната шефица на Обвинителството за гонење на организиран криминал и корупција, според информациите кои ги добила, се дека Советот на јавни обвинители ќе ја разреши од обвинителската функција.

Обвинителката повтори и дека нема никаква поврзаност помеѓу Работната група која готвеше нов Кривичен законик и измените кои Собранието ги донесе по итна постапка и со европско знаменце.

„Злоупотребата воопшто не е во надлежност на Обвинителството за гонење на организиран криминал и корупција бидејќи ние бевме надлежни само за Став 5. Фактички, треба и од името да се избрише Обвинителство за гонење организиран криминал и корупција бидејќи веќе немаме можност да се бориме со корупцијата. Обвинителството ќе се сведе на предмети дрога, мигранти, знаеме колку годишно имаме предмети за перење пари и други приноси од казниво дело. Се одземаат ингеренциите“, вели Русковска во интервјуто на А1он.

На прашањето дали има аспирации да се кандидира за државен обвинител, бидејќи на актуелниот Љубомир Јовески мандатот му истекува во декември годинава, таа вели: „Сега за сега, како што стојат работите, не“.

Погледнете го целото интервју со поранешната шефица на Обвинителството за гонење на организиран криминал и корупција, Вилма Русковска.

Би можело да ве интересира

ОЈО: Маж од скопското село Грчец и се заканувал на новинарка

Горан Наумовски

Ја киднапирале за пари – готово обвинението за убиството на Панче и Вања за четворица, таткото обвинет за помагање

Анита Петровска Рајковиќ

Советот на јавни обвинители му препорачува на Мемети да не учествува во работата додека трае постапката против него

ОЈО: Извршен е увид, се испитуваат причините за опожарување на службениот автомобил на директорот на „Идризово“

ОЈО за двојното убиство во скопското село Стајковци: Го убил братот и сопругата на починатиот брат

Горан Наумовски

ОЈО: Изборниот ден помина генерално без поголеми нарушувања на гласањето и пријави за изборни инциденти