ВИДЕО: Европските либерали со резолуција бараат почеток на преговорите со Македонија

Од:

Либералните европратеници иницирале да се донесе резолуција од страна на Европскиот Парламент за почеток на преговорите со Македонија, информираа од Либерално-демократската партија по вчерашниот Конгрес во Атина.

Горан Милевски, министер за локална самоуправа и претседател на ЛДП рече дека ова е голем чекор, со оглед на тоа што либералите се во коалиција со партијата на францускиот претседател Емануел Макрон.

„Синоќа европските либерали на Конгресот во Атина донесоа едногласна резолуција со која што бараат започнување преговори, а ова е многу значајно затоа што либералите се во коалиција со Макрон и кога вашите коалициони партнери вршат притисок за почеток на преговорите и тоа има многу поголема тежина за разлика од другите притисоци кои се прават врз претседателот на Франција“, рече Милевски.

Емил Кирјас од ЛДП вели дека во самиот текст на резолуцијата стои дека Македонија и Албанија треба да бидат индивидуално разгледувани, а не групно, нешто што е реалност за Европската унија.

„Во самиот текст на резолуцијата стои дека секоја земја мора да биде индивидуално оценувана, согласно своите успеси и напоредок, а за нашата земја беше кажано дека ги има исполнето сите очекувања кои беа предвидени и дека нема никакви изговори зошто повторно би се одлагал датумот. Не би било изненадување ако има раздвојување меѓу две земји зошто реалноста во ЕУ го налага тоа. Заклучокот на резолуцијата е дека почетокот на преговорите треба да започне на првиот нареден Самит во декември и либералите недвосмислено стојат зад тоа“, вели Кирјас.

Од ЛДП велат дека биле разочарани од односот на грчкиот премиер и дека Грција пропуштила да биде стратешки партнер на Македонија.

„Во Грција не видовме е сменета ниту една табла каде би пишувало ‘Северна Македонија’, туку уште стои понижувачкото име ‘Скопиа’. На следната владина седница ќе барам Владата во Атина да си го испочитува својот дел од обврските од Договорот во Преспа“, рече Милевски.

Во однос на најавените предвремени избори, тој уште еднаш го повтори ставот и побара промени во изборниот модел односно постоење на една изборна единица. Доколку не постои консенсуз за тоа прашање, ЛДП бара постојниот модел од шест изборни единици да биде со отворени листи.

Би можело да ве интересира

Медведев: Русија ќе ги гони европските дегенерици кои се обидуваат да ги запленат нашите средства

На плажа во Грција, девојче од Србија нападнато од волк: „Ја закачи со шепата“

Фон дер Лајен: Иднината на Западен Балкан е во Европската Унија

Горан Наумовски

ЛДП: Новите регистарски таблички за службените возила ќе значат крај на злоупотребите

Трамп бара од ЕУ да ги зголеми царините за Индија и Кина на 100 отсто

Калас: Путин нема да застане освен ако не биде принуден