Носиме одлука за избор на одговорни, отчетни, професионални и посветени кадри кои ќе ја имаат задачата да ги предводат институциите и да испорачаат резултати кон граѓаните, напиша лидерот на СДСМ, Зоран Заев, на својата страница на Фејсбук, додека во скопскиот хотел „Холидеј ин“ се уште трае седницата на Централниот одбор на партијата.
„Пред Централниот одбор ги презентирам принципите и вредностите на идната владина коалиција.
Носиме одлука за избор на одговорни, отчетни, професионални и посветени кадри кои ќе ја имаат задачата да ги предводат институциите и да испорачаат резултати кон граѓаните.
Во новиот, полн мандат ќе покажеме дека може да работиме и повеќе и подобро во остварување на програмата која води напред, на вистинскиот, на европскиот пат, патот на економијата и правдата“, напиша Заев.