Најмоќната ракета некогаш развиена вторпат ја напушти лансирната рампа во Тексас.
Starship е најмоќната ракета некогаш направена, а компанијата SpaceX, која е во сопственост на милијардерот Илон Маск, денеска започна со ново пробно лансирање.
Имаше фази на одвојување со сегментот на бродот, но, како што објави Би-Би-Си, експлодираше Super Heavy засилувачот, што не беше план за инженерите на SpaceX.
Не долго потоа, инженер на компанијата рече дека тимот изгубил податоци од втората фаза од летот.
Да потсетиме дека SpaceX успешно го лансираше Starship во април оваа година, но ракетата експлодираше во воздухот по неколку минути.