И покрај тоа што инаугурацијата на 47-от американски претседател заврши, јавноста на социјалните мрежи продолжува да ги коментира модните избори на членовите на семејството Трамп.
За потсетување, Доналд Трамп вчера положи заклетва и стана 47-ми претседател на САД.
Десетици илјади луѓе од сите делови на Америка и светот дојдоа во Вашингтон да ја следат оваа церемонија.
По церемонијата на полагање заклетва, се одржа гала бал, на кој Доналд Трамп и Меланија Трамп го изведоа својот прв танц како претседател и прва дама на САД.
Меланија за оваа пригода облече интересен бел фустан со црни детали од американскиот дизајнер Харви Пјер.
Креацијата беше специјално скроена за првата дама на САД и за овој важен ден, а интересно е што истиот дизајнер направи фустан и за Меланија Трамп во 2017 година, кога нејзиниот сопруг Доналд Трамп првпат стана претседател на САД.
Меланија го комплетираше изгледот со црна огрлица и минимална шминка.
Иванка Трамп, ќерката на Доналд Трамп, набрзо се приклучи на подиумот, а нејзиниот прв партнер за танцот беше нејзиниот сопруг Џаред Кушнер.
Може да се каже дека Иванка за свечената пригода избра чиста елеганција.
Таа облече бел фустан на модната куќа „GIVENCHY“, а со својот гламурозен аутфит и оддаде почит на познатата модна икона Одри Хепберн.
Изгледот го комплетираше со едноставна пунџа, бисери и блескава насмевка.