Американскиот претседател Доналд Трамп денеска изјави дека е постигнат голем напредок кога станува збор за Украина, нагласувајќи дека се водат интензивни разговори со Москва и Киев и дека разговорите се одвиваат добро.
„Русија и Украина ќе се договорат за прекин на огнот, а другите земји вклучени во процесот ќе го спроведат прекинот на огнот“, рече Трамп, коментирајќи ги преговорите одржани во Саудиска Арабија од страна на делегациите на САД и Русија, пренесува Ројтерс.
Тој рече дека ќе ги проучи сите услови за Црноморскиот договор за кој делегациите на САД и Русија се договорија на вчерашната средба во Саудиска Арабија и додаде дека ќе обрне внимание на руските барања за укинување на санкциите.