Еколошка такса од 3,5 денари ќе има и за бензините и за дизелот

Од:

Премиерот Зоран Заев е убеден дека струјата нема да поскапи, а за да се ублажи растот на цената на електричната енергија условена од целосната либерализација на пазарот, од 1 јули, како што соопшти, ДДВ-то за струја ќе се намали од 18 на пет проценти.

Заев напомена дека од 1 јули 2021 до 1 јули 2022 година ДДВ-то ќе биде пет отсто, од 1 јули 2022 до 1 јули 2023 година 10 проценти, додека од 1 јули 2023 година повторно ќе се врати на 18 отсто.

-Со оглед дека во крајната цена огромно е учеството на производствената цена и на преносниот систем, убеден сум дека нема да има поскапување на струјата. Владата испрати јасна порака за поддршка на ЕСМ во делот на цената за поддршка на граѓаните преку намалување на ДДВ. Тоа апсолутно ја става ЕСМ во позиција да формулира цена која нема да предизвика поскапување на струјата заради производствена цена на ЕСМ. Но, секако, Регулаторната комисија е таа што носи конечни одлуки, а тие зависат од дргутие чинители кои учествуваат во составувањето на продажната цена на струјата. Можам да потврдам дека заради ЕСМ и МЕПСО нема да има покачување на цената на струјата. Верувам, барем според нашите експерти, рече Заев, одговорајќи на новинарски прашања по потпишувањето на договорите за изградба на фотоелектраната во Осломеј.

На прашањето со која цена ќе настапи ЕСМ на претстојниот тендер и дали таа ќе биде иста како сегашната со оглед дека берзанските се двојно повисоки, Заев нагласи дека одлуката е донесена, но засега е строго доверлива.

-ЕСМ настапи пред Владата и владата донесе одлука, но тоа е строго доверливо зашто настапува на отворен пазар и нуди цена. Кога ќе се случи тоа, тогаш ќе се објави и понудата на ЕСМ пред ЕВН Хоум, истакна Заев.

Во однос на еколошката такса за нафтата и нафтените деривати која треба да се воведе од 1 јули, Заев е дециден дека предвидените 3,5 денари нема да предизвикаат инфлација. За транспортерите, пак, кои реагираат, порача дека Владата донесе одлука за помош на меѓународниот транспорт и веќе е даден налог средствата да се исплатат пред се во патничкиот сообраќај како најпогоден.

-Државата беше тука да плати кога беше тешко за транспортерите. Дефинитивно 3,5-те денари нема да влијаат ништо посебно, имајќи предвид дека сите рамноправно и секој соодветно понесува дел од обврската за зелената агенда и заштитата на здравјето на граѓаните. Убеден сум дека со тоа што, сепак, цената на нафтата е најевитна на европскиот континент е сериозен аргумент за сите. Вчера на владина седница донесовме одлука за помош на меѓународниот транспорт од пакетите мерки, подготвени се кончените списоци, даден е налог да се вбризгаат парите во транспортерите, пред се во патничкиот сообраќај како најпогоден, но истовремено транспортерите треба да знаат колку државата е поевропкса и помодерна, толку ќе дава и поголеми економски можности, меѓу кои и за нив, објасни Заев.

Би можело да ве интересира

Поскапуваат горивата од полноќ

Орце Костов

Поскапува еуросупер БС-95, цените на другите горива не се менуваат

Орце Костов

Нови цени на горивата

Дефект на трафостаница ги остави кумановци од центарот на градот без струја

Горан Наумовски

Поевтинуваат горивата

Поевтин дизел, поскапи бензини од полноќ

Катерина Ѓуровски