Претседателот на Реал Мадрид, Флорентино Перез призна дека легендата на светскиот фудбал Зинедин Зидан би можел да биде тренер на кралскиот клуб, јави агенцијата „Макфакс“.
Перез за шпанските медиуми истакна дека доколку пропаднат преговорите со Карло Анчелоти, тогаш Зидан би можел да седне на жешкото тренерско столче.
Претседателот на Реал појасни дека обесштетувањето од 7,5 милиони фунти, кое ПСЖ го бара за Анчелоти не преставува проблем, но доколку преговорите од било која причина не завршат успешно, тогаш тренер на Реал ќе биде Зидан. Перез истакна дека не го загрижува тоа што Зидан нема никакво тренерско искуство, бидејќи, како што рече, Французинот има доволно знаење за да го води тимот во наредната сезона.