Вкупно 48 екипи поделени во шест возрасни категории – генерација играчи родени 2004, 2005, 2006, 2007, 2008 и 2009, утре и в петок (24 и 26 мај) на тренинг центарот „Петар Милошевски“ ќе бидат дел од финалниот турнир од Фудбалската федерација на Македонија – Детски лиги за сезоната 2016/2017.
Во секоја од овие генерации ќе се натпреваруваат по осум екипи каде на денот на отворањето ќе се одиграат елиминационите натпревари и полуфиналните натпревари, додека за петок се предвидени натпреварите за третото место и финалните пресметки.
ФФМ упатува отворена покана за присуство до сите заинтересирани медиуми и љубители на фудбалот да бидат дел од фудбалскиот фестивал.
За време на натпреварите во ФФМ од 10:30 часот ќе биде изложен и трофејот од Супер Купот, информираа од ФФМ.