За утре закажана уште една средба на ФФМ со прволигашите

Од:

Фудбалската федерација на Македонија утре ќе одржи уште една средба со претставници на прволигашките екипи на која ќе се разговара за продолжувањето на сезоната.

– Фудбалската федерација на Македонија ги подготви и денеска пред претставници на координативниот кризен штаб за обезбедување целосна координација во врска со спречување на внесување и ширење на коронавирусот ги презентираше сите услови од здравствениот протокол за враќање на фудбалските екипи на тренинзите и натпреварите со целосна одговорност, враќањето на фудбалските терени да биде максимално сигурно за сите учесници.

Координативниот кризен штаб за здравствена заштита пред неколку дена побара од ФФМ да подготви здравствен протокол, а федерацијата веќе го достави бараниот протокол до надлежните институции и до клубовите, а истиот утре (22. мај) од 12:30 часот ќе биде детално презентиран и од страна на епидемиологот д-р Жарко Караџоски од Институтот за јавно здравје, соопшти ФФМ

Заедно со клубовите, федерацијата треба да донесе конечен став околу натпреварувачката сезона 2019/2020 во Прва МФЛ, а еден од главните услови е да се подготват и насочат клубовите за враќање во вообичаениот тренинг и ритам за натпревари со точно утврдени мерки за заштита на здравјето на фудбалерите и сите други фудбалски работници.

Би можело да ве интересира

Сејдини: ФФМ секогаш ќе биде сервис за клубовите

Ана Ололовска

ФФМ го одржа редовното Генерално собрание

Ана Ололовска

13 фудбалери од Втората лига-Запад заразени со коронавирус, ФФМ ги откажа бараж-натпреварите

А1он

Баражите за ВМФЛ од 7 до 13 јули

Ана Ололовска

ФФМ преку петгодишна стратегија ќе го развива женскиот фудбал во државата

А1он

ФК Вардар остана без лиценца за Европа

Ана Ололовска