Поранешниот првак во Формула 1 Жак Вилнев му порача на Кими Раиконен да го смени стилот на возење или да се подготвува за пензија.
– Кими секогаш давал максимум на патеката, но ретко кој очекуваше тој повторно да вози за Ферари. Сега, кога се врати во Ф1, мора да го промени стилот на возење или да си се подготви за пензија. Во болидите доаѓаат млади пилоти кои возат на високо ниво и ако не можеш да ги следиш подобро е да се откажеш, му порача Вилнев на поранешниот свој ривал на патеките од Шампионатот во Формула 1.
На овој начин Вилнев се приклучи на критичарите на Раиконен кои сметаат дека Ферари со Раиконен сезонава не ги постигнува очекуваните резултати.