Поранешниот тренер на Барселона Тито Виланова итно е префрлен во болница откако неговата здравствена состојба се влошила, пренесуваат шпанските медиуми.
Виланова две години се бори против ракот, а токму од тие причини минатата сезона ја напушти клупата на Барселона и тогаш во текот на сезоната неколку пати отсуствуваше поради третмани во Њујорк.
Ракот на грлото му беше дијагностициран во 2011 година во периодот додека беше асистент на Пеп Гвардиола.
Минатата сезона со Барселона, Виланова ја освои шампионската титула, но поради болеста мораше да го напушти фудбалот.