Потпретседателот на Барса, Жозеп Марија Бартомеу соопшти дека Тито Виланова сигурно останува на тренерската позиција на Каталонците и следната сезона.
– Тито ќе ја предводи Барса и следната година. Тој не само што има договор со нас, туку ние имаме голема верба во него. Тој без разлика на тешкиот период кој го пребродува на здравствен план, направи голема работа – вели Бартомеу.
Бартомеу е оптимистички расположен и околу шансите на Барселона во походот кон тронот во Лигата на шампионите, без разлика на дебаклот од 4-0 во Минхен во вторникот. Тој посочува дека главниот фокус им бил кон титулата во Примера, а што се однесува до ЛШ, без разлика што се наоѓаат во незавидна положба, има верба во фантастичните фудбалери на Барса кои имаат се уште шанси за пресврт.