Фудбалерите на ПСЖ ремизираа со Валенсија на „Паркот на Принцовите“ со резултат 1:1, но благодарение на победата на Французите во Шпанија, тие се пласираат во следната фаза, по 18 години апстиненција.
Во мирно прво полувреме без посериозни шанси на двете страни заврши првиот дел, сепак во второто полувреме видовме нешто поактивна игра од двата состави. Во 55-та минута од натпреварот Џонас постигна одличен гол и го замолкна целиот стадион.
Сепак тој молк не траеше многу долго, бидејќи Лавеци во 66-та минута изедначи и со тој резултат заврши натпреварот. Благодарение на гостинската победа од 2:1, парижаните се тие кои одат во четвртфиналето.