Инцидентот со холандскиот новинар, кој насилно беше одвлечен од кинеските редари среде пренос во живо, е изолиран случај и нема да влијае врз известувањето на странските медиуми од Зимските олимписки игри (ЗОИ) во Пекинг, соопшти денеска Меѓународниот олимписки комитет (МОК).
Onze correspondent @sjoerddendaas werd om 12.00u live in het NOS Journaal door beveiligers voor de camera weggetrokken. Helaas is dit steeds vaker de dagelijkse realiteit voor journalisten in China. Hij is in orde en kon zijn verhaal gelukkig een paar minuten later afmaken pic.twitter.com/GLTZRlZV96
— NOS (@NOS) February 4, 2022
Новинарот на холандската телевизија „NOS“, Сјоерд ден Дас го пренесуваше својот извештај во живо од церемонијата на свеченото отворање на ЗОИ, кога неколкумина редари го опколија и насилно го одвлекоа од местото на настанот.
Преносот беше прекинат, оставајќи ги збунети водителите во студиото на холандската телевизија.
Портпаролот на МОК, Марк Адамс, посочи дека станува збор за изолиран случај и оти холандскиот новинар набрзо по инцидентот, со помош на локалните организатори, сепак ја завршил својата задача пред камерите.
Извор: МИА