Лондон го критикува Пекинг за поддршката на Аргентина за суверенитетот на Фолкландските острови

Од:

Велика Британија денеска остро реагираше на поддршката на Кина за Аргентина околу суверенитетот на Фолкландските Острови, наведувајќи дека ќе го брани правото на оваа територија на самоопределување.

dobivaj vesti na viber

Шефот на британската дипломатија Лиз Трас, во време на затегнати односи меѓу Лондон и Пекинг, на Твитер напиша дека Лондон „целосно ги отфрла сите прашања за суверенитетот на Фолкландските Острови“.

„Фолкландските острови се дел од британското семејство и ние ќе го браниме нивното право на самоопределување. Кина мора да го почитува суверенитетот на Фолкланд“, напиша Трас.

Претседателите на Кина и Аргентина, Си Џинпинг и Алберто Фернандез вчера издадоа заедничка изјава во која се наведува дека Пекинг „ја потврдува својата поддршка за барањето на Аргентина за целосен суверенитет над Малвинските Острови“, што е аргентинско име за територијата.

Двајцата лидери се сретнаа во Пекинг, каде Фернандез дојде на Зимските олимписки игри.

Аргентина верува дека Фолкландските острови и биле незаконски одземени во 1833 година, поради што во 1982 година ја нападнала британската колонија. Лондон потоа испрати војска и го бранеше својот суверенитет над Фолкландските Острови во двомесечната војна во која беа убиени 649 Аргентинци и 255 британски војници.

Аргентина продолжува да тврди дека Фолкландските острови и припаѓаат, додека Лондон верува дека самоуправниот ентитет е под британска заштита.

Извор: МИА

Би можело да ве интересира

Јапонија, Велика Британија и Италија ќе разработуваат проект за нов борбен авион

Ана Ололовска

Ангажманот за справување со протестите на „Just Stop Oil“ ја чинел лондонската полиција 5,5 милиони фунти

Ана Ололовска

Офват: Сè повеќе луѓе во Англија и Велс тешко ги подмируваат сметките за вода

Ана Ололовска

Велика Британија најави нова рунда санкции за уште 22 Руси

Ана Ололовска

Оставка во Бакингемската палата поради расистички коментари

Ана Ололовска

Штрајк на вработените во брзата помош во Англија и Велс

Ана Ололовска