Милан одигра 1:1 во Холандија против ПСВ Ајндховен и извлече добар резултат пред реваншот на „Сан сиро“ во 4-то и последно квалификациско коло за Лигата на шампионети, а Марибор на Агим Ибраими забележа пораз од 3:1 на гостувањето против Плзен во Чешка.
Додека Зенит и Реал Сосиедад остварија убедливи победи на гостински терен со кои речиси обезбедија виза за пласман во групната фаза од Лигата на шампионите.
Рускиот тим од Санкт Петербург беше убедлив на гости во Португалија, победувајќи ја Пакос Фереира со 1:4, а Реал Сосиедад со 0:2 го совлада францускиот Лион.