Смртта на кралицата Елизабета Втора несомнено беше вест на денот во целиот свет, а додека многумина на Островот тагуваа, имаше и такви кои ја прославија нејзината смрт или направија пародија на истата.
Таков случај беше забележан во Даблин на натпреварот од Конференциската лига помеѓу Шамрок Роверс и Ѓургарден во првото коло од групната фаза во групата Ф.
Tallaght stadium in Dublin tonight pic.twitter.com/FhHtoVGT1L
— Dublin Bhoy (@dublincelticfan) September 8, 2022
На крајот мечот заврши без голови, а го одбележа и песна од тамошните навивачи.
Познато е дека меѓу Ирците и Англичаните нема голема љубов, а очигледно ниту кон кралицата Елизабета не чувствувале нешто, па нејзината смрт ја прославија со морбидна песна.
„Лизи е во ковчегот“ – скандираа на стадионот Тала во Даблин.
Поради смртта на кралицата Елизабета, во Британија е прогласена состојба на жалост, која ќе трае до погребот на Елизабета Втора, а реакции ширум светот пристигнуваат од час во час.