По 22 години погребот на Јосип Броз Тито повеќе не е најпосетениот државен погреб во историјата. Тесно го надмина државниот погреб на британската кралица Елизабета.
Погребот на претседателот на Југославија на 8 мај 1980 година беше најпосетуван по бројот на присутни политичари и државни делегации. Присутни беа четворица кралеви, шест принцови, 22 премиери, 31 претседател и 47 министри за надворешни работи.
Тито беше популарен лидер во земјата и во странство. Тој ја обедини Југославија (сега Босна и Херцеговина, Хрватска, Косово, Црна Гора, Македонија, Србија и Словенија) и беше еден од основачите на Движењето на неврзаните, кое зазеде неутрална позиција меѓу САД и СССР за време на Студената војна.
На државниот погреб на кралицата Елизабета во понеделникот присуствуваа 2.000 гости, меѓу кои 18 монарси, 55 претседатели и 25 премиери.
Активистката и писателка Арнеса Буљушмиќ-Кустура на Твитер напиша дека погребот на кралицата сепак не успеал да го надмине погребот на Тито. Меѓутоа, кога ќе го споредите бројот на земјите-членки на Обединетите нации кои испратија свои делегации, ќе видите дека погребот на кралицата има тесна предност.
It turns out that the Queen’s funeral did NOT surpass Tito’s funeral and it remains the most attended state funeral in history with 4 kings, 6 princes, 22 PMs, 31 presidents, 47 MFAs, & a total of 128 countries out of 154 UN members were present.
As well as 40 political parties. https://t.co/QPggivSrbf
— Arnesa Buljušmić-Kustura (@Rrrrnessa) September 20, 2022
На погребот на Тито присуствуваа претставници на 128 земји, што е 83 отсто од тогашните 154 членки на ОН. Спротивно на тоа, на погребот на кралицата присуствуваа 167 државни делегации, што е 86,5 отсто од сегашните 193 земји-членки на ОН.