Барселона на домашен терен ја совлада екипата на Ваљекано со лесни 3-1 и продолжи кон походот за освојување на новиот трофеј во Примера.
Веќе на стартот се забележа дека Барса ќе доминира на теренот откако Меси во 8-та минута од слободен удар ја погоди пречката на гостите.
Првиот гол за „каталонците“ го постигна Давид Виља во 25-та минута по одличниот соло продор на Меси кој одлично асистираше кон Шпанецот.
По 15 минути и самиот Меси се запиша во листата на стрелци, овој пат Виља беше асистент така Барса имаше одлични 2 гола предност.
Во продолжението во 57-та минута повтворно одлична акција на стрелците на предходните гола за Барселона кога Виља упати топка кон Меси, а овој со одличен лоб удар го матираше гостинскиот голман.
До крајот гостите постигнаа само почесен погодок, а стрелец на голот беше Раул Тамудо.