Тата Мартино дебитираше во Примера пред навивачите на Ноу Камп, кои не останаа разочарани по убедливата победа на нивните миленици од дури 7:0 над Леванте.
Целата работа шампионот на Шпанија ја заврши уште по првите 23 минути игра во кои веќе имаше 3:0. Стрелци на тие три погодоци беа Алексис Санчез, Лионел Меси и Дани Алвеш, а до крајот на полувремето Барса додаде уште три погодока во мрежата на гостите.
Педро Родригез, Меси од белата точка и Чави беа стрелци на тие три голови, а Педро повторно, овој пат во 73. минута ги постави конечните 7:0 за Каталонците.