Фудбалерите на Реал Мадрид и Барселона, одиграа без победник 1:1 во првиот полуфинален натпревар во националниот Куп.
Реал и Барселона го одиграа својот 223-ти натпревар, 88 победи има Реал, 87 Барселона, додека 48 пати немало победник. Во националниот Куп, големите ривали го одиграа 31 натпревар, Барселона победила 14 пати, Реал 10, а седум пати било нерешено.
Барселона стигна до предност во 50. минута, Меси пресече топка која се обиде да ја исфрли Кајехон, веднаш му асистираше на Фабрегас, а овој без проблеми го матира Диего Лопез.
Казната за шансите кои ги промашија играчите на Барселона стигна во 81. минута, кога еден од најдобрите играчи на Реал, Варан, по центаршутот на Езил, од 10 метри со глава го совлада Пинто.
Возвратниот дуел по кој ќе биде познат финалистот ќе се одигра во Барселона на 27. февруари.