Ракометарите на Вардар во раните утрински часови тргнаа за Брест, Белорусија каде од петок до недела ќе се игра завршниот турнир во СЕХА лигата.
Експедицијата на Вардар најпрво ќе слета во Загреб, а оттаму екипата патува со чартер до Брест заедно со хрватскиот шампион ППД Загреб и дел од официјалните лица.
Како првопласиран по регуларниот дел од сезоната Вардар во полуфиналето на Ф4 турнирот ќе игра против ППД Загреб утре (17:30 часот).
Во екипата овојпат го нема Даниил Шишкарев кој има повреда на зглобот на ногата. Во тимот за Белорусија патува Мартин Поповски. Во второто полуфинале играат домаќинот на турнирот Мешков и Веспрем.
На досегашните Ф4 турнири Вардар само еднаш не играл во финалето, и тоа беше во сезоната 2014/2015 кога беше четврто пласиран.