Од денеска почнува продажбата на билети за натпреварите на Вардар во машка и женска конкуренција во четвртфиналето на Лигата на шампионите. Откако заврши приоритетната замена на сезонските картички со билети, сите слободни места во салата се понудени на продажба, поединечно за двата натпревари.
Продажбата на билети за четврт-финалето на ЛШ ќе се врши преку мрежата на www.ticketplus.mk, или на билетарницата на СЦ „Јане Сандански” секој работен ден од 10 до 18 часот.
Женската екипа на Вардар во четврт-финалето се среќава со дански Митјиланд, а вториот меч се игра во Скопје на 15 април во 17:30 часот.
Машката екипа на Вардар, се уште го чека својот противник во четвртфиналето, а тоа ќе биде победникот од дуелот меѓу Флензбург и Мешков Брест. Вториот меч од четврт-финалето Вардар ќе го игра во Скопје во периодот од 26 до 30 април.
Цени на билети:
РК Вардар:
А блок – 600 денари
Централни – 500 денари
Позади гол – 400 денари
Стоење – 200 денари
ЖРК Вардар:
А блок – 300 денари
Централни – 200 денари
Позади гол – 150 денари.