Фудбалерите на Валенсија на последниот натпревар од 4.коло од Примера синоќа ја постигнаа третата победа и се на втората позиција на табелата веднаш зад лидерот Барселона. Валенсија победи на гостувањето кај Хетафе со 3:0.
Водството во 7.минута го донесе шпанскиот репрезентативец Пако Алкасер. На 2:0 зголеми Андре Гомес во 20.та минута, додека конечните 3:0 ги постави Родриго во 72.минута од пенал. Истиот фудбалер веќе во следната минута доби втор жолт картон што значеше исклучување, но домашната екипа не ја искористи предноста од играч повеќе да постигне барем почесен гол.
Хетафе по третиот пораз остана со три бодови на 16.место на табелата.
На чело на табелата е Барселона со 12 бода, пред Валенсија и Севиља кои имаат по 10.
Натпреварите од 5.коло во Примера се играат од денеска до четврток.