Пливачите од клубот Бета викендот имаа успешен настап на меѓународниот пливачки натпревар „Пливачка звезда“ кој се одржа во Словенија.
Четворица од нив успеаа да се изборат за влез во финале во апсолутна категорија, а воедно и за медали.
Освојувачи на медали по категории се:
– Марко Бејатовиќ: трето место во дисциплината 200 метри грбно во финале, второ место во дисциплината 50 градно во финале, трето место во дисциплината 200 метри грбно и трето место во дисциплината 200 метри мешано.
– Стефан Цветковски: второ место во дисциплината 100 метри делфин во финале, прво место во дисциплината 200 метри слободно во финале, прво место во дисциплината 100 метри слободно и трето место во дисциплината 50 метри слободно.
– Љупчо Ангеловски: трето место во дисциплината 50 метри грбно во финале, второ место во дисциплината 100 метри грбно и второ место во дисциплината 50 метри грбно.
– Андреј Стојаноски трето место во дисциплината 800 метри слободно.