Дисциплинската комисија на УЕФА покрена постапка против учесниците во полуфиналето на Лигата на Европа, поради случувањата на реваншите одиграни вчеравечер.
Најголеми престапи направија навивачите на Олимпик Лион, кои на средбата со Ајакс користеа пиротехника, фрлаа предмети на теренот, ги блокираа скалите и втрчуваа на терен.
Ајакс е обвинет затоа што неговите фанови направија штета на стадионот на Лион.
Постапка против Манчестер Јунајтед поради доцнење на почетокот на натпреварот против Селта, како и за црвениот картон кој го доби Ерик Бејли, додека тимот од Виго е на дисциплинска за црвениот картон, кој го доби Факундо Ронкаља.
Одлуките за висина на казните Дисциплинската комисија ќе ги донесе на 20 јули.