УЕФА анкетира за шансите на македонските фудбалери на ЕУРО2020

Од:

Повеќе од половина испитаници во онлајн анкета на официјалниот сајт на УЕФА предвидуваат дека македонската фудбалска репрезентација нема да ја мине групната фаза во својот дебитантски настап на ЕУРО2020, но 37 проценти од анкетираните веруваат во пласман во нокаут фазата, а секој трет од нив гледа во „црвено-жолтите“ нови европски шампиони.

На прашањето колку далеку ќе стигне македонскиот состав на претстојното Европско првенство, вкупно 63 отсто од читателите на официјалниот сајт на УЕФА- uefa.com, сметаат дека „црвено – жолтите“ нема да завршат меѓу двете првопласирани репрезентации во групата Д, во конкуренција на Холандија, Австрија и Украина.

Спротивно мислење имаат 37 отсто од анкетираните, од кои 17 проценти се изјасниле дека македонскиот состав ќе игра во осминафинале, додека пет проценти сметаат дека избраниците на селекторот Игор Ангеловски ќе одат и чекор понатаму во нокаут фазата.

Два отсто од анкетираните предвидуваат пласман на македонскиот состав во полуфиналето, додека 12 проценти го гледаат македонскиот тим како нов европски првак.

Би можело да ве интересира

Саутгејт: Англија треба да го освои Светското првенство за да го заборави неуспехот во финалето на Еуро 2020

А1он

Познат составот на групите во УЕФА Конференциската лига

А1он

Жоржињо и Путељас најдобри во избор на УЕФА

А1он

Одреден составот на групите во Лигата на шампиони

А1он

Кјаер и осуммина лекари ја примија наградата на УЕФА

А1он

ЛШ: Јанг Бојс, Бенфика и Малме во европската елита

Ана Ололовска